സോറിയാസിസ് അത്ഭുതകരമായി സുഖപ്പെട്ടു! സത്യമോ മിഥ്യയോ?

ബഹുമാനപ്പെട്ട മുല്ലക്കര ദേവസ്യ എന്ന പെന്തകൊസ്താ പ്രവാചകന്‍, ഏതാനും വര്‍ഷങ്ങള്‍ക്കു മുന്‍പ് പുറത്തുവിട്ട, എറണാകുളം ജില്ലയിലെപെരുമ്പാവൂര്‍ ഉള്ള വായിക്കരിദേശത്തെ മിനി ജോണിയുടെ 12 വര്‍ഷമായി അനുഭവിക്കുന്ന  സോറിയാസിസ് എന്ന മാറാ രോഗം അത്ഭുതകരമായി സുഖപ്പെട്ടു എന്ന വാര്‍ത്തയുടെ സത്യാവസ്ഥ അറിയുന്നതിന് ഞങ്ങള്‍ ശ്രമിക്കുന്നു!

"ഒരു സ്ത്രീയുടെ ശരീരത്തില്‍ സോറിയാസിസ് വന്ന്‍, പഴുത്ത്, പുഴുത്ത്, പുഴുവരിചിരിക്കുന്ന ചിത്രം!" ഇതാണ് ശ്രീ  മുല്ലക്കര ദേവസ്യാ ഈ വിഡിയോക്ക് ആമുഖമായി പറയുന്നത്.

അതി വിദക്തനായ  ഒരു ഡോക്ടറെപോലെ, ഇത് സോറിയാസിസ് ആണെന്ന് മിനിക്ക് മുന്‍പേ മുല്ലക്കര അവരോടു തന്നെ പറയുന്നു. ഇത് ഒരിക്കലും സുഖപ്പെടുകയില്ല എന്ന് സാത്താന്‍ പറയുന്നു എന്നും, ഡോക്ടര്‍മാര്‍ക്ക് ഇതില്‍ പ്രത്യേകിച്ച് ഒന്നും ചെയ്യാനില്ല എന്നും കൂട്ടിച്ചേര്‍ത്തു.

"ശരീരം  പൊട്ടി  വൃണപ്പെട്ട് മരിക്കാറായ അവസ്ഥയില്‍  ഞാന്‍ സാറിന്റ്റെ അടുക്കല്‍ വന്നു" എന്നും, "12 വര്‍ഷമായി ഈ വേദന അനുഭവിക്കുന്നു" എന്നും മിനി ജോണി കൂട്ടിച്ചേര്‍ക്കുന്നു. 

താഴെയുള്ള  ചിത്രങ്ങള്‍ ശ്രദ്ധിച്ച് നോക്കുക!

ഇത് അത്ഭുതമാണോ അല്ലയോ എന്ന് ചിന്തിക്കുന്നതിനു മുന്‍പ് എന്താണ് യഥാര്‍ത്ഥത്തില്‍ സോറിയാസിസ് എന്ന് മനസ്സിലാക്കുന്നത് നന്നായിയിരിക്കും!

ശ്രീ മോഹനന്‍ വൈദ്യരുടെ അഭിപ്രായത്തില്‍ സോറിയാസിസ് എന്ന രോഗത്തിന്  'മാറാത്ത ചൊറി' എന്നാണ് മലയാളത്തില്‍ പറയുന്നത്. 

മുകളിലെ  ചിത്രങ്ങളില്‍ നിന്നും ഒരുകാര്യം വ്യക്തമാണ്.
മിനി ജോണിയുടെ  രണ്ടു കയ്കളിലും കഴുത്തിലും ആമുഖത്തില്‍ പറയുന്ന   അവസ്ഥക്ക് വിപരീതമായി,  വൃണങ്ങള്‍  ഉണങ്ങിയ അവസ്ഥയിലാണ്. കൂടാതെ, ത്വക്കിന് മുകളിലുള്ള ഉണങ്ങിയ ഭാഗം പൊളിഞ്ഞു പോയിരിക്കുന്നു എന്നാല്‍ അതിനു താഴെ സോറിയാസിസ് ഉള്ള അവസ്ഥ കാണുന്നില്ല, മറിച്ച് സാധാരണ ചര്‍മ്മമാണ്  കാണുന്നത്! 

ഇത് യധാര്‍ത്ഥത്തില്‍ സോറിയാസിസ് തന്നെ  ആണോ എന്ന സംശയം   ബലമായി നിലനില്‍ക്കുന്നു! യഥാര്‍ത്ഥ സോറിയാസിസ്  രോഗം ഉള്ള വ്യക്തിയുടെ ചര്‍മ്മത്തില്‍  നിന്നും വ്യത്യസ്തമാണ് മിനിയുടെ അവസ്ഥ.  
പുറത്ത്  കാണുന്ന ഭാഗത്തെല്ലാം വൃണം ഒരേപോലെ ഉണങ്ങിയ അവസ്ഥയിലാണ്, കാരണം, ഒരു കലാകാരന്റ്റെ കരവിരുതാണോ ഇതെന്ന് സംശയിക്കേണ്ടി വരുന്നു! 
ഏതാനും ദിവസം കഴിഞ്ഞത് കൊണ്ട്  മേക്കപ്പ് ചെയ്ത ഭാഗങ്ങളില്‍ ചിലയിടം പൊളിഞ്ഞു പോയതായി കാണാം, അതുകൊണ്ട് അതിന് താഴെയുള്ള ഭാഗത്ത് സാധാരണ ചര്‍മ്മം വെളിയില്‍ കാണുന്നത്. ഇതെല്ലാം അത്ഭുതം നടക്കുന്നതിന് മുന്‍പുള്ള അവസ്ഥയാണ് എന്ന് ഓര്‍മ്മിപ്പിക്കുന്നു. 

യഥാര്‍ത്ഥ സോറിയാസിസ് ഉള്ള ഒരു വ്യക്തിയുടെ ശരീരം പരിശോധിച്ചാല്‍ കാണാം, മുകളിലെ ഉണങ്ങിയ ചര്‍മ്മത്തിന്/നേര്‍ത്ത പൊറ്റ (scales) താഴെ സോറിയാസിസ് ഉള്ള അവസ്ഥ, അല്ലാതെ പുതിയ ചര്‍മ്മം ആയിരിക്കുകയില്ല.

ഇവിടെ നേരെ മറിച്ച്  മിനിയുടെ കയ്കളിലെ  പൊറ്റ പൊളിഞ്ഞു പോയതും അതിന് താഴെ നല്ല ചര്‍മ്മവും വ്യക്തമായി കാണാം.

ശ്രീ മുല്ലക്കര ദേവസ്യയുടെ അടുക്കല്‍ വന്ന് പ്രാര്‍ഥിച്ചതിന് ശേഷം മിനി പൂര്‍ണമായി സുഖം പ്രാപിച്ചു എന്ന് മാത്രമല്ല സോറിയാസിസിന്റ്റെ പാടുകള്‍ പോലും അപ്രത്യക്ഷമായി എന്നുള്ളതാണ് ഏറ്റവും അത്ഭുതകരം.

അപ്പോള്‍ കഴിഞ്ഞ 12 വര്‍ഷം ഇവര്‍ യാതൊരു പള്ളിയിലും പോകുകയോ പ്രാര്‍ഥിക്കുകയോ ചെയ്തില്ലേ!?

എന്ത് കൊണ്ട് ദൈവം മിനി ജോണ്ണിയുടെ വേദന അതുവരെ കണ്ടില്ലെല്ല് നടിച്ചു!? 

എന്തിനാണ് ദൈവം ഒരു മീഡിയേറ്ററെ വയ്ക്കുന്നത്!?

അതായത് ശ്രീ  മുല്ലക്കര ഇല്ലായിരുന്നെങ്കില്‍ മിനിക്ക്  ഈ അത്ഭുതകരമായ സൌക്യം കിട്ടുമായിരുന്നില്ല എന്നര്‍ത്ഥം!

12 വര്‍ഷം  ചികിത്സിച്ച  തെളിവുകളും  അവരെ ചികിത്സിച്ച ഡോക്ടര്‍ മാരുടെ അഭിപ്രായങ്ങളും   ഇത്തരം ഒരു മാറാരോഗം അത്ഭുതകരമായി ദൈവം പൂര്‍ണമായും സുഖപ്പെടുത്തിയപ്പോള്‍ എന്തുകൊണ്ട്  ഇതിനോടൊപ്പം ചേര്‍ത്തില്ല! 
ഇത്രയും വര്‍ഷക്കാലം ഇവരെ അറിയുന്നവര്‍ ആരും ആ നാട്ടില്‍ ഉണ്ടാകാതെ വരുമോ!?

 ഒരു സ്ത്രീയുടെ ശരീരത്തില്‍ സോറിയാസിസ് വന്ന്‍, പഴുത്ത്, പുഴുത്ത്, പുഴു അരിചിരിക്കുന്ന അവസ്ഥയില്‍ നിന്നും ഈ അവസ്ഥയിലേക്ക് എത്തുമ്പോള്‍ അതില്‍ അല്‍പ്പം അതിശയോക്തിക്ക് സ്ഥാനം ഇല്ലെങ്കിലേ സംശയം ഉള്ളൂ!

പുഴുവരിക്കുന്ന അവസ്ഥയില്‍ വൃണം രൂപാന്തരപ്പെട്ട ഒരു വ്യക്തിയുടെ ശരീരത്തില്‍ ആഴത്തില്‍ അതിനുള്ള മുറിപ്പാടുകള്‍/വൃണങ്ങള്‍ കാണണം. എന്നാല്‍ ഇവിടെ പഴുത്ത് പുഴുവരിച്ച രീതിയില്‍  ഒരു വൃണം പോലും കാണുന്നില്ല എന്ന സത്യം അതിശയോക്തി തന്നെ.

അതായത് മിനി ജോണിയുടെ ശരീരത്തില്‍ യഥാര്‍ത്ഥത്തില്‍ സോറിയസ് ഉണ്ടായിരുന്നില്ല  എന്നുള്ളതാണ് അത് സൂചിപ്പിക്കുന്നത്.  ഒരു നല്ല  കലാകാരന്‍ ചെയ്ത മനോഹരമായ മേക്കപ്പ് ആണ് ഇതെല്ലാം എന്ന് നിസംശയം പറയാന്‍ സാധിക്കും. മിനി ജോണി അത് നല്ലത് പോലെ അഭിനയിച്ചു തീര്‍ത്തു.

ഇവിടെ രണ്ട് വീഡിയോകള്‍ ഉള്ളതായി കാണാം.
1. ഏകദേശം മൂന്ന് ആഴ്ച്ച മുന്‍പ് നടന്ന ഒരു അത്ഭുതം മറ്റൊരു വേദിയില്‍ അവതരിപ്പിക്കുകയാണ് ശ്രീ മുല്ലക്കര. 
അവിടെ ആകെ കാണാവുന്നത്‌ സ്റ്റേജില്‍ ഉള്ള ഏതാനും വ്യക്തികളെ മാത്രമാണ്. ഇതിനു സാക്ഷ്യം വരിച്ചവര്‍ എത്രപേര്‍ ഉണ്ടെന്നോ, അത് കഴിഞ്ഞുള്ള പതിനഞ്ചു ദിവസത്തെ മിനി ജോണിയുടെ അവസ്ഥയെ കുറിചുള്ള വിവരങ്ങളും  ഒരു രഹസ്യമായി നിലനില്‍ക്കുന്നു. 
2. മൂന്നാഴ്ച്ച കഴിഞ്ഞ് സുഖം പ്രാപിച്ച മിനിയെ മറ്റുള്ളവരെ പരിചയപ്പെടുത്തുന്നു. ഇത് കണ്ടവര്‍ എത്രപേര്‍ ഉണ്ടെന്നോ, ആദ്യം മിനിയെ രോഗാവസ്ഥയില്‍ കണ്ടവരില്‍ എത്രപേര്‍ മൂന്നാഴ്ച്ച കാലം കഴിഞ്ഞു ഇതിനു സാക്ഷ്യം വഹിച്ചു എന്നോ പറയാന്‍ പറ്റാത്ത അവസ്ഥ. 
ഒരുപക്ഷേ  പരസ്യത്തിന്  വേണ്ടി മാത്രം ചെയ്ത ഒരു വീഡിയോ ആണോ ഇതെന്ന് സംശയിക്കാവുന്നതാണ്! 

മുല്ലക്കര ദേവസ്യാ എന്ന വ്യക്തിയുടെ കൂടുതല്‍ വിവരങ്ങള്‍ പരിശോധിച്ചാല്‍ കാണാം, ഒരു ക്രിസ്തീയനായി ജീവിതം ആരംഭിച്ചു  പിന്നീട് പരിശുദ്ധഅരൂപി വെളിപ്പെടുത്തിയതനുസരിച്ചു  ഒരു പെന്തകൊസ്താ വിശ്വാസി  ആയി തീര്‍ന്ന് സ്വന്തമായി ഒരു സഭയും Church of Eternity, ധ്യാന കേന്ദ്രവും, ആതുരാ ശുസ്രൂഷാ   സ്ഥാപനം നടത്തുന്നത് കൂടാതെ, പെന്തകൊസ്താ വിശ്വാസങ്ങള്‍ക്ക് വിപരീതമായി ആശുപത്രിയും സ്ഥാപിക്ക തക്കവിധം പണം സംബാതിക്കുന്നതിനു കഴിഞ്ഞു.

ഒരു യഥാര്‍ത്ഥ പെന്തകൊസ്താകാരനും, ദൈവം തന്നിലൂടെ അത്ഭുതങ്ങള്‍ പ്രവര്‍ത്തിക്കുന്നു എന്ന് വിശ്വസിക്കുന്ന ഒരു വ്യക്തി പിന്നെ എന്തിന്നാണ് അശരണര്‍ക്കും, പാവങ്ങള്‍ക്കും വേണ്ടി  ആശുപത്രി സ്ഥാപിച്ചത് എന്ന് ഇനിയും അവ്യക്തമായി  തുടരുന്നു.

മുല്ലക്കര ദേവസ്യയുടെ ആശ്രമത്തിനെതിരായി ഉയര്‍ന്നുവന്ന  കേസ്‌, അത്തരം സംശയങ്ങളെ അരകെട്ടുറപ്പിക്കുന്നവയാണ്.

നല്ലൊരു മയാജാലക്കരന്റ്റെ വിജയം, താന്‍ ചെയ്യുന്ന മായാജാല വിദ്യകളുടെ രഹസ്യം  കാണികളില്‍ നിന്നും മറച്ചു പിടിച്ചു അവരെ അത്ഭുത പോടുത്തുംബോഴാണ്. ഇവിടെ മുല്ലക്കര ദേവസ്യാ എന്ന വ്യക്തി മറ്റുള്ളവരുടെ വിശ്വാസത്തെ  ചൂഷണം ചെയ്തു ആത്മീകത ഒരു വ്യവസായമാക്കി തീര്‍ക്കുന്നതിനു വേണ്ടി ചെയ്ത ഒരു ചെപ്പടി വിദ്യയാണ് മിനി ജോണിയുടെ സോറിയാസിസ് അത്ഭുതകരമായി സുഖംപ്രാപിച്ചു എന്ന് വരുത്തിതീര്‍ത്ത ഈ കെട്ടുകഥ എന്ന് നിസംശയം പറയുന്നു.

ഇത് മാറ്റൊരു പാസ്റ്ററുടെ (Tinu George) അത്ഭുതം!

ഇന്നു നടന്ന കുബനാട് കണ്‍ വെന്ഷനില്‍ ജന്മനാ നടക്കുവാന്‍ കഴിയാതിരുന്ന ഈ സഹോദരനെ യേശു സൌക്യമാക്കിയപ്പോള്‍.....

പോളിയോ ബാധിച്ച ധാരാളം ആളുകള്‍, ഈ ചിത്രത്തില്‍ കാണുന്ന വ്യക്തിയെപോലെതന്നെ, നടക്കുന്നവരുണ്ട്. അവരൊന്നും യാതൊരു അത്ഭുതവും ഇതുവരെ അവകാശപെട്ടിട്ടില്ല, കാരണം ചെറുപ്പം മുതലേ അവര്‍ അങ്ങിനെ നടക്കാന്‍ പഠിച്ചു എന്നുള്ളത് കൊണ്ട് തന്നെ.

ഒരു ചെറുപ്പക്കാരി സ്ത്രീയുടെ, 12 വര്‍ഷം പഴക്കമുള്ള, മാറാ രോഗമായ സോറിയാസിസ്  പൂര്‍ണമായി സുഖപ്പെടുത്തി എന്ന് മാത്രമല്ല, ആ അസുഖതിന്റ്റെ ഒരു പാടുപോലും അവരുടെ ശരീരത്തില്‍  അവശേഷിക്കുന്നില്ല എന്നത് ശരിക്കും അത്ഭുതം തന്നെ!

എന്നാല്‍ വിരൂപനും അഗവൈകല്യമുള്ള ഒരു പുരുഷനെ ആ ദൈവംതന്നെ ഒരു കണക്കിന് നടക്കാനുള്ള പരുവത്തിലാക്കി എന്ന് പറയുമ്പോള്‍, ഈ രണ്ടു അത്ഭുതങ്ങള്‍ തമ്മിലുള്ള രാഷ്ട്രീയം എങ്ങനെ ന്യായീകരിക്കാം. ദൈവവും പക്ഷപാതിയായി മാറിയോ? അതോ ഒരു സ്ത്രീയോടുള്ള സമീപനത്തില്‍ ദൈവത്തിനും ചാഞ്ചല്ല്യം  വന്നോ!?

ഒരു യഥാര്‍ത്ഥ സോറിയാസിസ് ഉള്ള വ്യക്തിയെ നേരില്‍ കാണുകയോ, (ചിത്രങ്ങള്‍ കാണുക)  ഈ രോഗത്തെക്കുറിച്ച് ശരിക്കും അറിവുള്ള ഏതൊരാള്‍ക്കും, മിനി ജോണിയുടെ ഇരു കൈകളിലും സൂക്ഷിച്ചു നോക്കിയാല്‍, അത് സോറിയാസിസ് അല്ലായെന്ന് നിസംശയം ഉറപ്പിച്ചു പറയാന്‍ സാദിക്കും! 

ആദ്യത്തെ സംഭവത്തില്‍ ഒരു പ്രൊഫഷണല്‍ മേക്കപ്പ് അര്‍ട്ടിസ്റ്റിന്റ്റെ മികവ് തള്ളികളയാവുന്നതല്ല. ആമുഖത്തില്‍ പറയുന്ന രീതിക്ക് അനുസരിച്ച് ഇവിടെ തെളിവുകള്‍ ഒന്നുംതന്നെ കാണുവാന്‍ കഴിയാത്ത സ്ഥിതിക്ക് ഞങ്ങളുടെ സംശയം എന്നും നിലനില്‍ക്കും......

ഒരു യഥാര്‍ത്ഥ ദൈവവിസ്വാസ്സിയാണ്  ശ്രീ മുല്ലക്കര എങ്കില്‍ തന്റ്റെ വലിയ ഫ്ലക്സ് ബോര്‍ഡിനുപകരം  അവിടെ യേശുവിന്റ്റെ ചിത്രമായിരിക്കും ഉണ്ടാകുക. 

പൈസ കൊടുത്താല്‍ എന്തും അഭിനയിച്ചു വിശ്വസിപ്പിക്കാന്‍ കഴിവുള്ള  നടീ നടന്മ്മാരുള്ള ഇന്ത്യന്‍ മാഹാ രാജ്യത്ത്, ഇതെല്ലാം ചിലരുടെ തട്ടിപ്പാണ് എന്ന് ആ അഭിനയിച്ചവര്‍ തന്നെ നാളെ വന്നു പറഞ്ഞാല്‍ പോലും, ചിലരെങ്കിലും ഇത്തരം അത്ഭുതങ്ങളെ വാനോളം പുകഴ്ത്തി ഓശാന പാടി കൊണ്ടെയിരിക്കും!  

രോഗങ്ങളാല്‍ വിഷമിക്കുന്ന വിശ്വാസികളും അവിസ്വാസികലുമായ ധാരാളം ആളുകള്‍ നമ്മുടെ സമൂഹത്തില്‍ ഉണ്ട്. അവരുടെ വേദനകളെ മാനിചെങ്കിലും ഇത്തരം ചെപ്പടിവിദ്യകള്‍ ഒഴിവാക്കണമെന്ന് അഭ്യര്‍ഥിക്കുന്നു! 

NB: നീണ്ട  12 വര്‍ഷക്കാലം മിനി ജോണിയെ  ചികിത്സിച്ച ഏതെങ്കിലും ഒരു ഡോക്ടര്‍ ഈ അത്ഭുതം സ്ഥിരീകരിചിട്ടുണ്ടെങ്കില്‍ ദയവായി ഞങ്ങളെ അറിയിക്കുവാന്‍ താത്പര്യപ്പെടുന്നു! 

Courtesy - FB Investigation