പ്രായപൂർത്തിയാകാത്ത കുട്ടികളെ ലൈംഗികപീഡനം നടത്തുകയും, അമേരിക്കൻ നീതിന്യായക്കോടതികളുടെ ശിക്ഷഭയന്നു അമേരിക്കയിൽനിന്ന് സ്ഥലംവിടുകയുംചെയ്ത ഈ സീറോമലബാർ വൈദീകന്റെ

പ്രായപൂർത്തിയാകാത്ത കുട്ടികളെ ലൈംഗികപീഡനം നടത്തുകയും, അമേരിക്കൻ നീതിന്യായക്കോടതികളുടെ ശിക്ഷഭയന്നു അമേരിക്കയിൽനിന്ന് സ്ഥലംവിടുകയുംചെയ്ത ഈ സീറോമലബാർ വൈദീകന്റെ പ്രവർത്തി അതീവ നിന്ദ്യവും ഹീനവുമാണ്. ഇതിലും നിന്ദ്യവും ക്രൂരവുമായ മറ്റൊരുപ്രവർത്തികൂടി ഈ വൈദീകൻ ചെയിതിരിക്കുന്നതെന്തെന്നാൽ, മരിച്ചു ഇഹലോകം വെടിഞ്ഞ KCCNA യുടെ ഒരു നാഷണൽ കൌണ്‍സിൽ മെമ്പറുടെ ശവസംസ്കാരവേളയിൽ, മരിച്ചുപോയ വ്യക്ത്തി പള്ളിക്കും പട്ടക്കാരനും സഭക്കും എതിരായിരുന്നുവെന്നു പരസ്യമായി വിളിച്ചുകൂവുകയും ചെയ്തിരിക്കുന്നു.

ഈ വൈദീകൻ അമേരിക്കയിൽനിന്ന് രക്ഷപ്പെട്ടുവെങ്കിലും ഇയാളുടെ ചെയ്തികൾക്കെതിരെ KCCNA നേതൃത്വം ശക്ത്തമായി മുന്നോട്ടു വരേണ്ടതുണ്ട്. ഇയാൾക്കെതിരെ മാതൃകാപരമായ ശിക്ഷാനടപടികൾ സ്വീകരിക്കണമെന്ന് ആവശ്യപ്പെട്ടുകൊണ്ട് സീറോമലബാർരൂപതാധ്യക്ഷനോടും, ഇയാൾ സേവനമനുഷ്ട്ടിച്ചിരുന്ന സ്ഥലത്തെ റോമൻ കാത്തലിക്ക് ആര്ച്ച്ബിഷപ്പിനോടും, അമേരിക്കയിലെ വത്തിക്കാൻ പ്രൊനുന്ഷ്യോയോടും ഒരു പ്രമേയത്തിലൂടെ ആവശ്യപ്പെടാവുന്നതാണ്.

ലൈംഗീകപീഡനം നടത്തിയ ഇയാളെ സംരക്ഷിക്കുകയും സ്ഥലംവിടാൻ സഹായിക്കുകയും ചെയ്ത സീറോമലബാർ രൂപതാധ്യക്ഷനും ഉത്തരം നല്കാൻ ബാധ്യസ്ഥനാണ്.

കുറ്റകൃത്യങ്ങൾ ചെയ്യുന്ന ക്രിമിനലുകൾക്കെതിരെ നിയമനടപടികൾ സ്വീകരിക്കാൻ അമേരിക്കയും ഇന്ത്യയുംതമ്മിൽ നയതന്ത്രതലത്തിലുള്ള കരാറുകൾ നിലവിലുണ്ട്. ഇക്കാര്യത്തിൽ ഇന്റർപോളിന്റെ സഹായവും ലഭ്യമാണ്. ലൈംഗീകപീഡനം നടന്ന യഥാസമയത്ത് പോലീസിൽപരാതിപ്പെടാൻ സാധിച്ചില്ലെങ്കിലും, പിന്നീട് വ്യക്ത്തികൾക്കോ സംഘടനകള്ക്കോ പൊതുതാല്പര്യ ഹർജി, പീഡനം നടന്ന സ്ഥലത്തെ സുപ്പീര്യർ കോർട്ടിലോ, ഫെഡറൽ കോർട്ടിലോ ഫയൽ ചെയ്യാവുന്നതാണ്. ഒരു moneytory Sueing വന്നാൽ ചിക്കാഗോ സീറോമലബാർ രൂപതയെയും അങ്ങാടിയത്ത്പിതാവിനെയും വളരെഗുരുതരമായി ബാധിച്ചേക്കാവുന്ന ഒരു വലിയവിഷയമാണ് ഈ സീറോമലബാർ വൈദീകന്റെ ബാല ലൈംഗീകപീഡനം.

പാതിരാത്രിയുടെ മറവിൽ വൈദീകനും കന്യാസ്ത്രീയുമായുള്ള വേഴ്ച അബദ്ധവശാൽ കണ്ടുപോയി എന്നതാണ് നിഷ്കളങ്കയായ സിസ്റ്റർ അഭയ ചെയ്ത തെറ്റ്. രാത്രിയിൽ ഉറക്കമിളച്ചിരുന്നു പിറ്റേദിവസത്തെ പരീക്ഷക്ക്‌ പഠിച്ചുകൊണ്ടിരുന്ന അഭയ ദാഹിച്ചുവലഞ്ഞു അടുക്കളയിൽ വെള്ളംകുടിക്കാൻ പോയത്അവളുടെ തെറ്റോ ?. സിസ്റ്റർഅഭയയെ കോടാലിക്കൈകൊണ്ട് തലയ്ക്ക് അടിച്ചുകൊന്ന് കിണറ്റിലെറിഞ്ഞ ഇത്തരം ക്നാനായ വൈദീകർ ക്നാനായ സേവനത്തിനായി അമേരിക്കയിലെത്തുമ്പോഴും, ഇതേപോലെ മറ്റുപല ലൈംഗീക ആരോപണങ്ങളിൽ അകപ്പെട്ട വൈദീകരെ നാട്ടിൽനിന്ന് രക്ഷപ്പെടുത്താൻ അമേരിക്കയിലേക്ക് ഇറക്കുമതി ചെയ്യുമ്പോഴും ഇത്തരക്കാരെപ്പറ്റിയുള്ള വിശദ വിവരങ്ങൾ ശേഘരിച്ച് അധികാരികളിലെത്തിക്കാൻ KCCNA ക്ക് കടമയുണ്ട്.

KCCNA എന്ന മഹത്തായ സംഘടന, കേവലം കണ്‍വൻഷൻ നടത്താൻവേണ്ടി മാത്രമുള്ള ഒരു സംഘടനയായി മാറാതെ ഇത്തരം സമകാലിക സാമുദായിക പ്രശ്നങ്ങളിൽഉണർന്നു പ്രവർത്തിച്ചേ മതിയാകൂ.

ജെയിംസ്‌ വട്ടപ്പറമ്പിൽ

Hartford , Connecticut , USA .